多謝一眾街坊支持我哋上個月尾嘅外展醫生諮詢及疫苗接種活動，仲盛讚醫生細心解答對疫苗的疑問，等佢哋安心接種疫苗。有見及此，今個月我哋會再次同Wraparound Healthcare、亞洲專科醫生及香港醫學博物館合作，嚟多次醫生諮詢同接種服務！今次我哋醫護人員會再做多步，為有需要者例如傷健人士，安排上門諮詢及疫苗接種服務，只要填好下面嘅報名連結，我哋就會打畀你喇。
仲猶疑適唔適合接種疫苗？到時過嚟問問專科醫生啦﹗接種疫苗仲會獲贈精美紀念品！記得填好下面張報名表格，預約後我哋會聯絡你，謝謝！
對象：深水埗區居住及工作人士
日期：2022年4月22日(星期五)
時間：上午10時至下午6時
地點：深水埗福榮街188號曉盈地下3號 - 深水埗地區康健中心附屬中心（中南區）
服務內容：專科醫生諮詢及科興疫苗接種
合辦機構：深水埗地區康健中心、Wraparound Healthcare、亞洲專科醫生及香港醫學博物館